Выписка из журнала заседания Священного Синода от
24 марта 2022 года под председательством
Святейшего Патриарха Московского и всея Руси Кирилла
СЛУШАЛИ: Рапорт Преосвященного митрополита Петрозаводского и Карельского Константина, председателя Синодальной богослужебной комиссии, о представлении на утверждение Священного Синода ряда богослужебных текстов. ПОСТАНОВИЛИ: Утвердить к общецерковному богослужебному употреблению:
|
Месяца января в 5-й день
Земли Дальневосточныя прозябение/ и о людех ея теплый молитвенниче,/ храмов Божиих усердный строителю/ и благочестия неленостный учителю,/ священномучениче Андрее,/ верою воспеваем труды и подвиги твоя,/ во дни гонений и брани смертию за Христа увенчанныя./ Ты же, Престолу Божию предстоя,/ прилежно молися Господеви/ спастися душам нашим.
Священномученика Андрея Зимина, пресвитера Тропарь, глас 5: Кондак, глас 6:
Уссурийския паствы добрый наставниче,/ священномучениче Андрее,/ первозванному апостолу в крещении соименный,/ твердей вере того подражал еси/ и, селения окрестная обходя,/ жизни во Христе люди научал еси,/ в годину же страданий земли Русския,/ благодатию Господнею укрепляемь,/ терпение мук паче ума явил еси,/ ныне же, на Небесех с новомученики Богу предстоя,/ моли спастися душам нашим.
Месяца мая в 20-й день
Свыше званный и Богоматерию благословенный,/ иерею честный и доблий страдальче,/ людем Приморскаго края наставниче/ и собора новых мученик достойный причастниче,/ священномучениче Павле достохвальне,/ моли Пресвятую Троицу,/ Юже в земли нашей прославил еси,/ даровати нам мир и велию милость.
Священномученика Павла Лазарева, пресвитера Тропарь, глас 1: Кондак, глас 3:
Сердцем веруя в правду Божию/ и усты исповедуя спасительный Крест Господень,/ многия люди во истине утвердил еси/ и пред гонители Христа исповедал еси,/ священномучениче Павле,/ сего ради, ведуще тя, яко единаго от новых мученик Востока земли нашея/ и святых страдальцев собора Церкве Русския,/ согласно тебе вопием:/ благодатную помощь с Небесе нам низпосли,/ празднующим любовию память твою.
Месяца февраля в 13-й день Преподобномученицы Веры (Морозовой) Тропарь, глас 5: Ин тропарь, глас 2:
Егда приидеши, Иисусе, Судие Праведный,/ испытати веру на земли,/ тогда молитвы за ны приими преподобномученицы Веры,/ с любовию Тебе пожершияся/ и безбожная гонения со смирением претерпевшая,/ ныне же в Чертозех Небесных Тебе молящияся,/ да отвратиши от нас Твой праведный гнев,/ благочестием на невидимыя враги препояшеши/ и части спасаемых нас сподобиши.
Кондак, глас 1:
Небесную славу паче земныя предпочетши,/ во обитель Страстную вселилася еси,/ идеже, усердно подвизавшися,/ страсти обуздала еси и терпение многое стяжала еси,/ любовию же ко Христу уязвившися,/ в жертву Тому себе принесла еси./ Егоже моли, святая блаженная Веро,/ да с надеждой крест свой понесем,/ веру непорочну сохраним/ и любовь нелицемерну приобрящем во спасение душ наших.
|
PATRIARCHIA.RU |
См.также:
|